تعريف بهندسة الاتصالات ..

السلام عليكم ورحمة الله وبركاته

عدد سنوات الدراسة في الدراسة الجامعية الأولى لهندسة الاتصالات خمسة سنوات ..

السنتان الأولى و الثانية تعطيان بشكل عام
السنة الثالثة فيها اختصاص بأحد مجالات الاتصالات

المواد ترتكز بشكل اساسي في السنة الاولى على الفيزياء والرياضيات ومدخل الى الحاسوب وبرمجيات وخوارزميات
السنوات الي بعدها بينضاف عليهم دارات الكترونية وكهربائية وأسس هندسة الاتصالات

طبعا واضح انو المواد علمية يعني بدها حضور كامل
حتى ينضمن فيها علامة جيدة
وخاصة العملي من المواد .. الحضور فيها اجباري
واذا غبت 3 مرات عن حصة العملي بتنحرم من المادة هالسنة
المواد المقسومة لقسمين : قسم نظري وقسم عملي
هي الرياضيات والفيزياء والخوارزميات ومدخل الى الحاسوب
هي بكون 70 % للنظري و 30 % للعملي

طبعا بتقدروا تشتروا المحاضرات من المكتبات
بس ما بتقدروا تفهموا كلشي
لانو كليتنا ما فيها قاعدة ثابتة
وبتعتمد عالفهم اكتر من البصم
وخاصة ببرامج الحاسوب وتجارب الفيزياء

طبعا في مواد الانكليزي والعربي والثقافة ( القومية )
بس هدول خفاف وسهلين مو متل المواد العلمية

هندستنا حلوة كتير و تضم المعلوماتية والاتصالات
يعني هي أشمل من المعلوماتية

بالنهاية متل ما بقولولنا الدكاترة الحضور ثم الحضور ثم الحضور والمتابعة طريقك للتفوق والنجاح ...

بتمنى تكونوا استفدتوا وتعرفتوا اكتر على هندسة الاتصالات

» تعريف بكلية الاقتصاد
» تعريف الهندسة المعمارية..^_^
» تعريف باختصاص المحاسبة
» تعريف باختصاص المصارف والتأمين
» تعريف باختصاص ادارة الاعمال