طلب صغير .......

موضوع: طلب صغير ....... الجمعة سبتمبر 02, 2011 3:33 am

أول شي كل سنة وانتو سالمين
وإن شالله السنة الجاية بشوفكن محققين أحلامكن

أنا بالفترة الأخيرة اتدايقت كتير
وما عاد الي خلق افتح انترنت كتير
وما عم أحسن اتحمل مسؤولية شغلات كتير
والفترة القادمة في دراسة ...

فبدي اطلب منكم طلب ويا ريت ما حدا يخجلني

مين بيقدر يدير الموقع بغيابي
يعني ينال درجة الإدارة

والو الحرية بالتصرف بشو يساوي وبأفعالو
هاد الحكي أذا انتو بيهمكن هالمكان
بس أذا ما بدكن ياه وما حتفضو

فمو مشكلة
ومو إجباري هاد الشي

فشو رأيكم ؟
يعني بس يلي بيوافق يقلي أنا برضى
وأنا قبلان قد ما كان العدد

واذا بدكن غيرو اسمو ورابطو
أنتو أحرار

وشكرا يا أصدقائي الغاليين

اول شي نور المنتدى برجعتك
وانت بألف خير يا رب وان شالله بنعاد عالجميع بالامل والامن والسلامة
وان شالله الايام الجاية احلى علينا وعليك
والسنة الجاية بتكون بالجامعة يا رب

مشان المنتدى انت الي عملتو وانت الي رح اضل فيه ومنورو حتى لو بالاسبوع يوم ..المهم اضل بيناتنا وما تبعد عن المنتدى

ما حدا الو الحق يغير فيه شي الا انت مجد

هاد رأيي ..
تحياتي مجد

المنتدى منور بوجودكم ..
ان شالله يا رب

هلأ صباح بعرف هالشي . بس بركي اذا حدا غيري أخدو بيتحسن .. وبيريحني من همو

لأن أنا تعباااان

وعندي كتير شغل بالمرحلة الجاية

فيا ريت حدا يساعدني وياخد هالحمل عني

‏ ما بعرف اخي
انت شوف الي برتحلو
ومشان دراستك معك حق

كنت قلتلك بقدر ..بس في ناس بفتحو نت افضل مني بكتير .. كلن احسن مني اكيد

بس لازم تفوت كل مدة اي
ورح نكون موجودين ان شالله

موفق اخي

اهلين مجد نور المنتدى
وانت سالم يارب
مجد ماضروري تسلم الادارة لحدا انت خليك عم تفوت ماحلو المنتدى بدون ادارتك ووجودك خلص المشرفين هني بقومو بالاشراف وبتوقع هاد الشي كافي وماضروري يصير في اضافات للمنتدى انا برايي هيك المنتدى كامل شكلا ومضمونا وانت لما بتقدر وبتحس حالك اشتقت للمنتدى بتفوت وبتعمل الاضافات اللازمة وبيقلولك المشرفين عن اي اضافة لازمة...
وعلى كل حال اذا عملت عضو من الاعضاء مدير فهاد مامعناه انك تترك علخالص ولاانو يتغير اسمو او اي شي اساسي فيه انا مابرضا بهلشي وبعترض على الفكرة....

وانا كمان مابقدر مجد لان النت عنا مابيفتح بالشهر مرة هلايام و كتير مشغولة ....
بالتوفيق اخي مجد الله يحقق امالك يامجد ويخترلك الخير يارب بكل قرارات حياتك
سلام

اهلا مجد

اي مجد متل ماقالوا يعني انا بوفت عالمنتدى لانو انت مديرو بصراحة
ومو حلو اذا ماعاد صرت انت مديرو
هلا هيك نحنا شطورين كتير بقى حتى لو اضطريت تغيب فترة لا تقلق مارح نقيم الدنيا ونقعدا
يعني بنضل محافظين عالنظام وان شاء الله بيضل المنتدى بتألقه دوماً

دمت مديرنا Smile

طيب ..شكرا الكن كلكن
أنتو أفضل ناس رح شوفن بهالدنيا

أنا ححط دانا شباط عالإدارة
وهي بغيابي أذا حابة تفتح قسم أو في شي

فكلو وسهل

خصوصي هلأ عندها جامعة وهيك

وأنتو بس بدكن شي اطلبو منها

شكرا يا غاليين

لا تعليق مجد

اذا كانت هيك رغبتك مجد........
اهلين وسهلين بمديرتنا الجديدة (مؤقتا) دانا
وان شاء الله بتنجح بالمجموع يلي بتتمناه يا مجد وبترجع بتلاقي المنتدى باحسن احوالوا
المنتدى بأيدي امينه ان شاء الله

شكرا حسام
بيجوز أنا ماغيب بشكل كامل
حفوت
بس هو المنتدى بده أفكار وتطوير وناس تشتغل فيه

ووتنشطو بطريقة حلوة
وأنا بيجوز ما أفضى كتير لهالشي

شو رأيك أنت كمان تصير مدير
يعني أنت بتقدر تنشطو وتفتح أقسام جديدة اذا بدك ؟؟؟

شكرا على ثفتك فيني
هلأ انا ما اسقريت على رأي يعني ما بعرف حالي السنة الجاية بكالوريا ولا لأ
على كل حال دانا بتكفي وبتوفي وإذا بدها مساعدة من عيوني (اذا كنت فاضي طبعا)
وبس اعرف شو بدي اعمل السنة الجاية بخبرك ان شاء الله

ماشي حسام بانتظارك

يييييييييييييييييييي يعني انا صرت مديرة !!!!
طب خبروني يعني

وين الحلوان ؟!!

شكرا مجد عنجد يعني هيك تسلمني هيك منصب والله شغلة كبيرة Smile

متل ماقلتلك انا بدي عيد بس ان شاء الله بنتعاون على الحفاظ على المنتدى ورفعه دوماً وتطويره دائماً Smile

اهلين والله حسام (مؤقتاً) Very Happy

ان شالله ألف مبروك دانا

وان شالله بتصيري صاحبة الفيس بوك كمان

الحلوان قريب ان شالله ..

ومشان الإدارة فيكي تتطلعي على كل شي بلوحة الإدارة
تحت بأسف اسفل الصفحة هيك صغيرة مو مبينة كتير

وأذا بدك خطر ببالي فكرة تفتحي قسم للصم والبكم ...

وتجيبي رفقاتك .. ودليهن لهون

وأنتي حرة كمان ساوي اذا بدك اي شي على ذووووووووقك

عنجد فكرتك كتير حلوة مجد يصير في مدير تاني
يعني هلأ بصير في تعاون شوي كنت شايل الهم كلو انت

مبروك دانا الادارة
وعم ننتظر لمساتك على هل المنتدى

اهلا وسهلا دانا

وان شاء الله الف مبروك عالأدارة

مجد موفق بدراستك و ان شاء الله ما تطول الغيبة عن المنتدى

بس دانا الحلوان عليكي ماهيك Wink

شكرا شكرا جميعا Smile

سوية لازدهار المنتدى ان شاء الله