ودا عـــــا اا ... إلى اللقاء

كيفكن جميعا
....
اليوم اخر يوم الي هون بالامارات
ورايحة عسوريا
وما بعرف شو ممكن يصير
حاسة انو رح انقطع عنكن ما بعرف لكم يوم
والله اعلم شو ممكن يصير
مشان هيك حطيت هالموضوع مشان تسامحوني اذا غلطت بحق حدا
يمكن هالموضوع جنان بس خايفة
خايفة روح وما ارجع مشان هيك بدي قلكن بحبكن كتير
وما رح انساكن لموت
وانتو احسن رفقة يالدنيا
سوز ومجد ودانا وليلو ودانو وظلال وكرم والكل
اذا غلطت بحق حدا منكن سامحوني
وبحبكن كتير


ما أصعب الوداع بين الأصدقاء
وما أصعب تناسي الذكريات
الأيام القاسية لا تلين والبكاء يشتعل
فيحترق قلبي المسكين
صديقاتي الأعزاء .......الأيام وحدها من وقف بوجهي
أحزنتني وملأتني بالبكاء
كم من حلم حلمناه مع الأصدقاء
وكم من أمنية تمنيناها مع الأصدقاء
وهاهي الأيام تطفئ الأماني وتبخر الأحلام.....


بحمى الرحمن جميعا
والله يحفظكن ويحميكن من كل اذى
وبالتوفيق للكل

بالسلامه ياصباح.....
قولي يارب...

الله يسلمك سوزانا
دايما وابدا يا رب

مع السلامة لا وداع بل لقاء انشاء الله
خيرا انشاء الله منشوفك قريبا سوريا بانتظارك كنا منتمنى تستقبلك بشكل تاني بس يلا الحمد لله توصلي بالسلامة انشاء الله

danoo كتب:

مع السلامة لا وداع بل لقاء انشاء الله
خيرا انشاء الله منشوفك قريبا سوريا بانتظارك كنا منتمنى تستقبلك بشكل تاني بس يلا الحمد لله توصلي بالسلامة انشاء الله

ان شالله يوكن في لقاء ..بس الله اعلم ..منقول يا رب

ان شالله دانو ... بصير خير ان شالله
والحمدلله عكل حال
الله يسلمك يا رب
دعواتك

قلتلك حاج حكي فاضي صبااااح
رح ترجعي تفتحي
اي شبنا
سوريا مو بالعصر الحجري
صارت عصر حجري وشحطة


الشحطة=نت
عن جد شبكي انا اليوم رح دلك عطريقة كمان

انتي ديري بالك عحالك.. وانبسطي رايحة تشوفي اهلك
لك مو زابطة الوداع
انتي جاية عسوريا شو نحنا بكوسوفو يعني
بتنوري سوريا صبوحة

منحكي ان شالله
بالسلامة اختي

أول شي وداعا وليس ودعا
بعدين شو وداعاً ما وداعا ؟؟
ان شاءلله منظل نشوفك
وعم نستناكي بسوريا مشان تشاركي معنا بالـ ....

وكمان شو سامحوني ما سامحوني
الله يسامحك والله انتي من اول ما سجلتي بالمنتدى ماازعجتي اي حدا ولو بكلمة بالعكس تماما

ان شاء الله توصلي بالسلامة ومابدنا نسمع منك هالحكي

وإلا ما بسامحك وبغضب عليكي ليوم الدين

( عم امزح طبعا )

مجد الرياضيات كتب:

قلتلك حاج حكي فاضي صبااااح
رح ترجعي تفتحي
اي شبنا
سوريا مو بالعصر الحجري
صارت عصر حجري وشحطة


الشحطة=نت
عن جد شبكي انا اليوم رح دلك عطريقة كمان

انتي ديري بالك عحالك.. وانبسطي رايحة تشوفي اهلك
لك مو زابطة الوداع
انتي جاية عسوريا شو نحنا بكوسوفو يعني
بتنوري سوريا صبوحة

منحكي ان شالله
بالسلامة اختي

الله يسلمك اخي ..منورة بوجودكن جميعا
بعين الله
والحمدلله عكل حال

HARRY POTTER][!Y][! كتب:

أول شي وداعا وليس ودعا
بعدين شو وداعاً ما وداعا ؟؟
ان شاءلله منظل نشوفك
وعم نستناكي بسوريا مشان تشاركي معنا بالـ ....

وكمان شو سامحوني ما سامحوني
الله يسامحك والله انتي من اول ما سجلتي بالمنتدى ماازعجتي اي حدا ولو بكلمة بالعكس تماما

ان شاء الله توصلي بالسلامة ومابدنا نسمع منك هالحكي

وإلا ما بسامحك وبغضب عليكي ليوم الدين

( عم امزح طبعا )

يحيى ... دير بالك عحالك منيح
والله يسلمك يا رب
ما بعرف شو بصير يحيى
موفق يا رب ..وان شالله بشوفك من الناجحين السنة الجاية ومتفوق كمان

حمامة حمامة طيري طيري يا حمامة
لك شبنا؟؟!!!!!!!!!!!!!!!!!!!!!! اصلا سورية عم تستناكي على احر من الجمر
اهلا وسهلا فيكي وهي تبع سامح وماسامح واشتاق ومااشتاق كلا مسافة الطريق وبتوصلي وبتفتحي نت سوري متميز وبتطمنينا عن حالك و بتشوفي اهليتك ومااحلاك

بقى وكلي امرك لله وتوكلي عليه وتفضلي القهوة بردت

لك شو وداع لك اهلا وسهلا فيكي انتي جاي ع ســــــــــــــوريا بلدك و رح تكوني بين اهلك و ناسك بعدين شو مفكرة سوريا ب العصر الحجري صح النت عنى بقرف و عله بس الحمد لله بفتح كل جمعة مرة
المهم منشوفك و منطمن عليكي
انتي سامحينا ماستقلاناكي من المطار يعني مو معقول اختنا تجي ع سوريا و ما نستقبلا بقى الله يرضى عليكي سامحينا هل المرة وحلب ب الانتظار لا تطولي علينا

بالسلامة أن شاء الله
توصلي بالسلامة
بتنوري الشام بوجودك
الله يحميكي يارب
وأن شاء الله منشوفك قريبا بخير

شو مشان إنو إنت جاية لعنا يعني منحط بعيونا وبعدين ليش كتير بتفكري بالأمور خلص انت توكلي على الله وانشا الله الله معنا
خدي حبة طناش من الصبح على الريق كل يوم وروقي
وإذا مشان النت بعطيكي السيرف وبإذن الله مابينقطع لأنو بيخسرعمو رامي ميزانيتو وما تخافي نحنا شعب منعجبك مابيإدرو ا ا ا ا علينا كلما حجبوا ا ا ا شي بيطالعو ا ا ا ألف بروكسي وبروكسي
بأ ا توكلي على الله وتعالي سوريا بانتظارك ونحنا كلنا عم نستناكي عنا
والله مافي أحلى من سوريا ومن شعبا الذكي والي ألبو طيب والعنيد بس للحق و........
لولا بعض المخربين *_^ لكانت بلدنا أحسن بلد وبإذن الله هيك رح يصير
بالسلامة إنشا الله

صباح وينك ياالله
شو وداع ما وداع
يلا عم استناكي من مبارح تطمنيني عنك
وينك يلالا تطولي عليي
يمكن هلأ مشغولة بالسفر والسكن وهيك
بس يلا تعي طمنينا عنك
وخليكي منيحة وديري بالك عحالك
صبوحة يلا عم استناكي
بالسلامة يارب

وداعا الي

يــــــــــاجماعه اتطمنوا صباح الحمدلله وصلت بالسلامه
وهي منيحه كتير بس هلق عندا عجقه كتير
مبارح حاكيناها وطمنتنا

سوزانا كتب:

يــــــــــاجماعه اتطمنوا صباح الحمدلله وصلت بالسلامه
وهي منيحه كتير بس هلق عندا عجقه كتير
مبارح حاكيناها وطمنتنا

الحمدلله الله يطمن بالك سوزانا طمنتيني كتير كان مشغول بالي عليها
شكرا كتير حبيبتي
الله يحميكن ويسلمكن كلكن يارب

الله يسلمك للوش
ولو نحن اخوه معقول يعني ماخبركن
صباح وانتي والكل كتير غاليين علي
والله يحميكي انتي كمان

ويسلمك حبيبتي والجميع يارب
اكيد اخوة واعز تسلمي حبيبتي
وانتي غالية علينا كتير كتير ياسوزي تسلميلي يارب
جميعا حبيبتي

الحمد عالسلامة صباح

ان شاء الله منشوفك بخير وبتنبسطي هون

الله يهدي بالك

الحمد عالسلامة الله يطمنك على حبايبك يارب
يارب منشوفك معنا يارب
وإشبك ديدو خير إنشا الله؟!؟!؟!؟!؟
وعقبال مانشوفك بيناتنا صبوحة