قصة الغابة

موضوع: قصة الغابة الإثنين يوليو 11, 2011 9:35 am

قال الأرنب كان قاعد عم ينط بالغابة بسعادة وعم يغني “يوبي… يوبي…”، بيمرق بيلاقي هالزرافة عم تلف سيجارة حشيش وبدها تدخنها
بيطلع فيها الأرنب، وبيقلها معقول يا زرافة بدك تحششي، شوفي الطبيعة حواليكي، شوفي الأشجار، تعي نركد سوا بهالطبيعة، قالتله الزرافة إيه والله
وبلشوا يركدوا سوا “يوبي… يوبي…”
بيلاقوا عالطريق الفيل، مادد خرطومه وبده يسحب سحبة بودرة، بيقله الأرنب، معقول يا فيل، انت بوسط الطبيعة وأصوات زقزقة العصافير، بدك تشم، تعال نركد سوا أنا وياك والزرافة ونتمتع بالطبيعة، قاله الفيل إيه والله
وبلشوا هل أرنب والفيل والزرافة يركدوا سوا “يوبي… يوبي…”
بيوصلوا لعند النمر وهو حامل إبرة مخدر، بيقوم بيقله الأرنب، معقول يا نمر بدك تتعاطى وانت بقلب الطبيعة الأم، شوف الشجر حواليك، شوف العصافير، تعا نركد سوا كلنا
بيمسك هالنمر إيده، وبيخبطه للأرنب على وشه بيجيبه بالشجرة ميت.
بيطلعوا فيه الحيوانات مدهوشين. بيقلهم: “يلعن أبوه ابن الحرام، كل ما بده ياخد حبة حشيش، بده يركد الغابة كلها وراه