ماهي رياضة الترياثلون؟

الترياثلون من الرياضات الفردية المركبة والصعبة والتي تحتاج لمهارة عالية وتفوق في الرياضات الثلاث التي تشكلها

وهي

السباحة والدراجات والجري كما تحتاج في نفس الوقت إلى القوة والسرعة والقدرة والتحمل مما يجعل إعداد لاعب الترياثلون من الأمور الصعبة والتي تتضمن اختيار الاعب المناسب وحسن انتقاء المواهب كما تحتاج لوقت وجهد كبيرين وتجهيزات جديدة ومتطورة

ونظرا لعدم توفر الأماكن والبيئة والطقس لممارسة هذه الرياضة في كثير من الدول فقد اشتقت عنها رياضات كثيرة ومنها نذكر

الدواثلون وتضم الجري ركوب الدراجة الجري

الاكواثلون
وتضم سباحة جري سباحة

والترياثلون الشتوي وتضم تزلج ركوب دراجة جري ( هذا النوع غير موجود في سوريا )

أما على الصعيد الأولمبي

فقد تم اعتماد رياضة واحدة هي الترياثلون الأولمبي والتي تتألف من سباحة لمسافة (1500م )

وركوب الدراجة لمسافة (40كم)وجري لمسافة(10كم)

أما المسافات التي تتجاوز الترياثلون الأولمبي فتسمى سباقات الرجل الحديدي ولها اتحاد دولي خاص بها

والله ظريفة هالرياضة دانا
كان عندي فضول اعرفها

طيب بدي اسألك شلون بتساووها
يعني بتسبحو وبتنطو بتركبو دراجة وبعدها بتركضو ولا شلووون؟

يا ريت تشرحيلي كيف وشكرا عالموضوع الحلو

اي بجد ظريفة ومتتتتتتتتتتتتتعبة

هلأ نحنا بنسبح بالبحرغالبا او بالمسبح ببدلات خاصة بالترياثلون بتناسب السباحة والدراجة والجري ...
بس نطلع من المي بنركض حوالي 100 متر نحو ستاندات الدرجاتا يلي بنكون حاطين عليها دراجاتنا قبل السباق .. بيكون معلق عالدراجة الكاسك ومحطوط عالدواسات السبايس (بوط خاص بالدراجة عندو من تحت متل المسامير بيكون معلق بالدواسات ) هون بيكون في تبديل بعدين بنمسك الدراجة وبنركض فيا لحد خط بيكون على بعد شي 30 متر وقتا بيصير مسموحلنا نطلع عالدراجة بنطلع عليها وبنبلش مشافة الدراجة وقت يخلصو دورات الدراجة بيكون في خط محدد كمان لازم عندو ننزل من عالدراجة وبنكمل ركض بالدراجة لعند الستاند الخاص بنحط الدراجة وبنشيل الكاسك بشرط انو نعلق الكاسك ونحط الدراجة بالمكان الصحيح وبالوضع الصحيح ومابيحقلنا نبلش ركض قبل ما نعمل هالشي وبنطلع بعدين جري المسافة المطلوبة وخط نهاية الجري بيكون خط نهاية السباق
\
وتوتة توتة خلصت الحتوتة
ان شاء الله اذا صارت بطولة بالشام بعزمك عليها مجد بتشوف شخصي

شكرا لاهتمامك

هههههههه ان شالله
ولو دانا والله الفضول دبحني

تيريتث تريثتا تريثاليون
ما كان تزبط

خلص حسميا رياضة دانا
احسن شي

والله باينتا متعبة وبدها شغل
الله يعينكون
بس يلا المهم انها رياضة
والله اشتقت لشي لعبة طابة
لشي ركض
اااه جسمي تعبان بده رياضة
ان شالله بخلص هالبكالوريا وبرجع العب

شكرا دانا
وتحياااتي

هانت مجود كلا شوي وبترجع عالرياضة وبتخلص من الكتب
ياهلا شكرا لمرورك السيد المدير

ان شالله دانا ان شالله
عفوا سيدتي المشرفة

هلأ انا بعرف انو في هيك رياضة بس ماكنت بعرف الاسم وسؤالي مين اخترعا يعني مين الدولة اللي بدأت بممارستها واعترفت فيا ؟
صح كتير باينتا صعبة ومتعبة بس ممتعة وحبيتا واكيد مافي عنا منا

مشكورة دانا والله يعطيكي العافية

اهلين دانو والله


بصراحة مابعرف مين الدولة يلي بدأت فيا بس بسألك

اي صعبة وممتعة كتيييير بس هي تبع مافي عنا منا بدي ازعل منك
لك انا طولي بعرضي شو عم اعمل

لا دانو عنا فريق كامل وطني فيو عدد من اللاعبين الذكور من دير الزور ودمشق وحلب
وفريق البنات فيو انا (دانا شباط) و لاعبة تانية اسمها لونا من دير الزور

ومعانا نتائج كتير ممتازة على مستوى العرب واللقاءات الودية مع الدول الاوربية
ترقبوا بطولات الموسم القادم


الله يعافيك يا غالية

دانا دانا دانا دانا دانا

انا مابعرفا شو هي ترياثلون؟؟؟؟؟
.............................
بصراحة انا ماكنت بعرف بوجود هالرياضة ولا سمعانة فيها لحد ماعرفتك
حتى ماكنت سمعانة بالأكواتلون ولا الدواتلون لحد ماحكيتيلي عنن
المهم انو فعلن هنن رياضات حلوين
بس المفروض يكون في عناية فين أكتر وتأمين لاحتياجات اللاعبين حتى يكون في إقبال عليهن اكتر
وحتى المفروض يكون في طريقة معينة لتعريف الناس بالرياضات الي بتضما البلد
........................................
كانت المفاجأة الكبيرة انو من وقت ماعرفتك عرفت أنو في عنا أبطال رياضات بسوريا
مع العلم انو كنت كل ماأسأل حدا حوليي
يقلولي ساكنة بسوريا ولا بموزمبيق !!!
بس لما عرفتك"بطلة عرب فما فوق " ماشالله عنك وبطلة جمهورية ووووووو
بلشت أسأل ناس ألن صلة أكبر بالوسط الرياضي
المهم أنو حتى انتي عرفتيني عفريقكن وأديش بيضم أبطال
والسباحة اديش فيا أبطال
فعلاً تغيرت نظرتي كلا
وعنجد المفروض الناس تكون عدراية يهالشي بشكل أكبر
________________________
وان شالله يوماً ما بيكون الله كاتبلي انو ارجع ألعب رياضة :S

دانا بانتظار بطولة جديدة من بطولاتك
بس بدون ماتوصلي متأخرة عليها بسبب
موفقة يارب
وان شالله بشوفك أعظم لاعبة أولمبية بالعالم

بتعرفي كتير كنت أنبسط وقت شوفك بالتمرين
ماشاء الله عنك
super girl
موفقة دندوش ومشكورة عالموضوع المتميز