قال في واحد محشش راح لمحل الفلافل ,قال لصاحب المحل :
معلم ,شقد حق صندويشة الفلافل ؟؟؟
رد عليه : 12.5 ليرة ...
قال له : عطيني وحدة ,وراح يشلف المصاري فراطة ليرات ونصاص في أرض المحل ,قال له هي حق الصندويشة ...
باليوم اللي بعده رجع لعنده مرة تانية ,قال له :شقد الصندويشة ؟؟؟
رد عليه : 12.5 ليرة ,قال له :عطيني وحدة ,ورجع شلف المصاري فراطة ليرات ونصاص بأرض المحل ,قال له هي حق الصندويشة ...
وباليوم اللي بعده رج لعنده ,قال له : شقد الصندويشة ؟؟؟
رد عليه صاحب المحل : 12.5 ليرة ...
قال له : عطيني وحدة ,وعطاه 25 ليرة قطعة وحدة ,انبسط كتير صاحب المحل ,ورجعلوا باقي حق الصندويشة بنفس الطريقة (شلف المصاري فراطة ليرات ونصاص على أرض المحل) ,وقال له هي الكمالة ...
رد عليه الزبون : لكن ساويلي صندويشة تانية ....
ـــــــــــــــــــــــــــــــ
الزلمة اللي كان يألف نكت عالمحششين تاب لربه وراح عالحج ,وقعد قدام الكعبة وصار يدعي : يا رب أرجوك إنك تغفرلي ,يا رب أرجوك إنك تسامحني ,يا رب اعف عني ,يا رب تجاوز عن خطيئاتي ,يا رب ....
قام إجا لعنده واحد محشش وسأله : معلم وين القبلة ؟؟؟
قام صار يقول الزلمة : يارب والله هنن اللي عبيتحارشوني ,مو أنا اللي عبأذيون من دون سبب ....
ـــــــــــــــــــــــــــــــ
في ولد أحول راح لعند أبوه الأحول متله وقال له :
بابا عطيني 5 ليرات منك و5 ليرات من عمو اللي جنبك ...
قال له أبوه : ابني ,يلا خود إخواتك وروحوا من هون ....
ـــــــــــــــــــــــــــــــ
في واحد أحول دخل عالحمام ليتحمم ,غسل الحيط وطلع ...
ـــــــــــــــــــــــــــــــ
في واحد انكسر حوضه ,قام ركبوله مغسلة ....
ـــــــــــــــــــــــــــــــ
إن شاء الله يكونوا عجبوكون .....
موضوع: نكت تقيلة شوي !!!! 
الجمعة نوفمبر 26, 2010 10:53 am
